انهردة و انا جاية من مدينة نصر وراحة العباسية ركبت ميكروباص بيقول عباسية رمسيسس.طلعت واعدت وسمعت صوت بينادي علي الناس عشان يركبو "عباسية رمسيس رمسيس رمسيسسسسسسسسسس" "يلا يا استاذ رمسيس يلا يا انسة عباسية رمسيييييسسسسسس " كنت الاول فكراة تباع بينادي بس اول ما الميكروباص اتحرك والتباع طلع مطلعشش تباع طلعت تباعةة!!!! واحدة ست اه وحدة ست.
ست كبيرة لبسة عباية سودة وهي بتنادي علي الناسس عشان يركبو ودية حاجة فجاتني بصراحةة وكمان خلتني فخورة اني بنت اويي.
الستات في مصر بميت راجل اتحدو المستحيل واشتغلو كل الشغل الصعب سواقة تاكسي تباعة سواقة تريلا وحجات تانية كتير اوي.
المهم التباعة الي كانت بتنادي دية كانت دمها خفيف اوي ومكنتش مكسوفة ابدا من الي بتعملو الناس كانت مستغربة وسمعت تعليقات اشكال والوان زي " ست بميت راجل " الست دية جدعة اوي " اكل العيش بيعمل اكتر من كدة " وهي بردو مكملة انمها تنده عباسيةةةةةة رمسيسسسس رمسيسسسس
برافو عليكو يا ستات مصر يا كاسرين كل التوقعاتت
